பிரான்ஸ் பூச்சி கொல்லியால் மூவர் மருத்துவமனையில்!

February 24, 2024

464 ஒரு நிமிடத்திற்கும் குறைவான வாசிப்பு

மூட்டைப்பூச்சிகளுக்கு எதிராக பயன்படுத்தப்படும் பூச்சிகொல்லியை சுவாசித்த ஒரே குடும்பத்தைச் சேர்ந்த மூவர் மருத்துவமனையில் அனுமதிக்கப்பட்டுள்ளனர். நேற்று பெப்ரவரி 23 ஆம் திகதி வெள்ளிக்கிழமை இச்சம்பவம் Bagnolet (Seine-Saint-Denis) நகரில் இடம்பெற்றுள்ளது.

அங்கு வசிக்கும் நபர் ஒருவர் இரவு 11 மணி அளவில் தீயணைப்பு படையினரை உதவிக்கு அழைத்துள்ளார். குடும்பத்தலைவர் ஒருவரும், அவரது 7 மாத கர்ப்பிணி மனைவியும், அவர்களில் 4 மற்றும் 3 வயதுடைய பிள்ளைகளும் மூச்சுத்திணறலுக்கு உள்ளாகி சுவாசிக்க சிரமடைந்துள்ளனர்.

பிரான்சின் விற்பனைக்கு தடை விதிக்கப்பட்டுள்ள பூச்சி கொல்லியினை மூட்டைப்பூச்சிகளை அழிக்க பயன்படுத்திய நிலையில், குடும்பத்தினர் மூச்சுத்திணறலுக்கு உள்ளானதாக தெரிவிக்கப்பட்டுள்ளது.
அவர்கள் அனைவரும் André-Grégoire மருத்துவமனையில் அனுமதிக்கப்பட்டுள்ளனர்.